Aranzabal familia gara. Getariara eta bere txakolinera sustraitutak, gure arbasoen kemenari eta egiten jakiteari esker.
Gure arbasoek, haizez, gaziz eta lainoz laztandutako mahastiez osatuta dagoen antzinako kostalde honetan beren ardoa moldatzea lortu zuten.
Guk, lur emankor eta ospetsu honekiko izan zuten konpromezua eta maitasun eredua jarraitzen dugu.
Katalin Iturzaetaren oinordekoak gara. Eta hau da gure ondarea.
Pribilegio orok erantzukizuna dakar. Gurea ardo zuri berezi bat eskaintzen jarraitzea da.
Berezia, antzinako andui berak erabiltzen ditugulako, ehun urtetik gorakoak asko. Eta berezia, batez ere, gure ardoan lurralde honetako txakolin-tradiziorik onena eta familiako lanketa “sui generis” estimatu baten herentzia gauzatzen direlako.
Katalin Iturzaetan, gozatu eta partekatu nahiko genituzkeen ardoak egiten ditugu: berezkoak, harmoniatsuak, biziak eta jatorriarekin konprometituak. Ekoizpen oso mugatua egiten dugu beren berezitasunak miresten dituzten ahosabai zorrotzentzat.
Robert Parker Gidak txakolin onenen artean nabarmendu gaitu askotan. Ekoizpen txikien zaleek ere goraipatzen dute.
Txakolin bakoitzaren atzean konpromiso bat dago. Landu eta transmititu zutenekin. Eta aukeratzen duten pertsonekin. Horregatik, bitibinifikazio-prozesu osoa zaintzen saiatzen gara. Hasteko, gure mahasti zaharrei erreparatzen diegu, eta, ondoren, lanketa xeheari ekiten diogu. Hor aplikatzen dugu ardura guztiarekin gure txakolinari txakolin klasikoen artean bere izaera berezia ematen dion ondare familiarra.
Katalin Iturzaeta Michelin izarra duten jatetxe ospetsuetan eta salmenta-gune espezializatuetan aurkitzen da.
